Mashable-ի փոխանցմամբ՝ ամերիկացի լուսանկարիչը նախագիծ է ստեղծել, որի շրջանակներում հոլիվուդյան դերասաններին պատկերել է այնպիսին, ինչպիսին որ նրանց տեսնում է հանրությունը, ինչպես նաև աստղերին խնդրել է ցուցադրել իրենց իսկական ինքնությունը։
Էնդրյու Վոլքերի նախագծին մասնակցել է 51 հանրաճանաչ անձ, այդ թվում նաև «Ոսկե գլոբուս» մրցանակի մի շարք դափնեկիրներ։ Նա հայտարարել է.
«Ինձ շատ հետաքրքիր է դերասանների հետ աշխատելը, քանի որ հանրության համար կերպարից բացի նրանք ունեն նաև անձնական կյանք, որը նրանք ի ցույց չեն դնում հասարակությանը։
Սկզբնական շրջանում ես վախենում էի հանրահայտ մարդկանց առաջարկել մասնակցել նախագխին։ Սակայն հարցման ենթարկված աստղերի 95 տոկոսն արձագանքեցին և համաձայնեցին մասնակցել նկարահանումներին»։
Մասնակիցների թվում են Էմի Ադամսը, Ահարոն Էքհարթը, Էնն Հեթեուեյը, Նաոմի Ուոթսը և այլք։
