ԱՄՆ նախագահ Բարաք Օբաման Հանրային ռադիոյին (NPR) տված հարցազրույցի ժամանակ հայտարարել է, որ Միացյալ Նահանգները միջոցներ կձեռնարկի երկրների դեմ (այդ թվում՝ Ռուսաստանի), որոնք փորձում են ազդել երկրի ընտրական համակարգի վրա։
«Կարծում եմ, որ մենք անկասկած պետք է միջոցներ կիրառենք, երբ այլ երկրի կառավարություն փորձում է ազդել մեր ընտրությունների օբյեկտիվության վրա, մենք միջոցներ կձեռնարկենք»,-ասել է Օբաման։
Նրա խոսքով՝ ԱՄՆ-ը կպատասխանի այն ժամանկ և այն վայրում, որոնք կընտրի։
«Դրա մի մասը հնարավոր կլինի հրապարակայնացնել, մի մասը՝ ոչ։ Պարոն Պուտինը լավ տեղեկացված է, թե ինչ եմ զգում այս կապկացությամբ, քանի որ ուղիղ խոսել եմ նրա հետ այս թեմայով»,-ընդգծել է Օբաման։
Ավելի վաղ ԱՄՆ նախագահի վարչակազմում հայտարարել են, որ ՌԴ նախագահ Վլադիմիր Պուտինը կարող է անմիջական մասնակցություն ունեցած լինել ցանցահենային գործողությանը, որն ունեցել է ԱՄՆ-ում ընտրական գործընթացում միջամտության նպատակ։
