Հարավային Ֆլորիդայում բնակվող 12-ամյա տղան պայքարում է իր ուղեղում բնակություն հաստատած մակաբույծի դեմ, որը ներթափանցել է նրա մարմին մինչև ծնկները ջրի մեջ քայլելիս, հաղորդում է lifenews.ru-ն:
Հիվանդության ախտանիշները հայտնաբերել է տղայի եղբայրը, որը նկատել է որ Զախարին սկսել է շատ երկար քնել:
Բժիշկները նախ հայտարարել էին, որ տղայի քնկոտության պատճառը սովորական մրսածությունն է, սակայն երեխան սկսել է օրեր շարունակ քնել, ինչը անհանգստացրել է նրա բարեկամներին: Տղային ուղարկել են Մայամիի հիվանդանոցներից մեկը, որտեղ և ախտորոշել են սարսափելի հիվանդությունը:
Զախարիին ախտորոշել են առաջնային ամեոբային մենինգոէնցեֆալիտ, որը շատ հազվադեպ հիվանդություն է՝ մահացու ելքով:
Ներկայումս երեխան գտնվում է Մայամիի մանկական հիվանդանոցում, որտեղ նրան կատարել են գլխուղեղի բարդ վիրահատություն:
Բժիշկները պնդում են, որ հիվանդւությունը շատ հազվադեպ պատահողներից է:
Վարակումը տեղի է ունենում հարուցիչ պարունակող ջրի՝ օրգանիզմ ներթափանցելու հետևանքով:
