Ներկայումս Microsoft կորպորացիան փորձարկում է Windows 8.1 օպերացիոն համակարգի վերջնական տարբերակը, սակայն այն մինչև հոկտեմբեր չի թողարկի:
Ընկերությանը մոտ աղբյուրները հաստատում են, որ թարմացված Windows-ը ոլորտի մասնագետների համար հասանելի կլինի արդեն այս ամսվա վերջին, սակայն շարքային օգտատերերը կարող են այն ձեռք բերել միայն հոկտեմբերին: Այս մասին հայտնում է The Verge պարբերականը:
Մինչ այդ համակարգիչներ արտադրողները կարող են փորձարկել նոր օպերացիոն համակարգի համատեղելիությունը իրենց արտադրանքի հետ:
Ընկերությանը մոտ աղբյուրները հայտնում են, որ Windows 8.1-ը կթողարկվի ընկերության գործընկերների նոր սարքերի հետ միաժամանակ: Դրանց շարքում կլինեն 7 և 8 դյույմանոց էկրաններով սարքեր:
Windows 8.1-ն ունի ներկառուցված Bing որոնողական համակարգ: Այնտեղ նաև առկա է Start կոճակը:
Եթե պարբերականի նշած ժամկետը ճիշտ է, ապա Windows 8.1-ը կթողարկվի Windows 8-ի թողարկումից ուղիղ մեկ տարի անց: