ԿԲ իրականացրած կոշտ դրամավարկային քաղաքականությունը արդյունքներ է տվել։ Այս կարծիքին է «Ամերիա» բանկի զարգացման դեպարտամենտի տնօրեն Տիգրան Ջրբաշյանը։ Նրա խոսքով՝ վերաֆինանսավորման տոկոսադրույքի շարունակական բարձրացումը նպաստել է նրան, որ ապրիլին գնաճը ունեցել է միանիշ ցուցանիշ՝ այս տարվա առաջին 3 ամիսների երկնիշ ցուցանիշի փոխարեն։
Սակայն Տ. Ջրբաշյանը կարծում է, որ վերաֆինասավորման տոկոսադրույքը ԿԲ-ն այս տարվա երկրորդ եռամսյակի ընթացքում և ամռանը այլևս չի բարձրացնի։ Ջրբաշյանի խոսքով՝ վերաֆինանսավորման տոկոսադրույքի աճը նվազեցրել է նաև վարկերի ծավալների աճի տեմպերը, սակայն դա չի նշանակում, թե վարկերի ծավալն այս տարի ավելի քիչ կլինի, քան նախորդ տարի։