Պենտագոնը մի շարք առաջարկներ է պատրաստում նորընտիր նախագահ Դոնալդ Թրամփի համար՝ ուղղված ԴԱԻՇ ահաբեկչական խմբավորման դեմ ԱՄՆ-ի կողմից անցկացվող ռազմական արշավի ուժեղացմանը։ Այս մասին հայտնում է The Wall Street Journal-ը։
Պարբերականի տվյալներով՝ այդ առաջարկները ներառում են մասնավորապես ռազմի դաշտում մարտավարական և այլ ռազմական որոշումների ընդունման նկատմամբ Սպիտակ տան վերահսկողության թուլացում և այդ պլանում առաջնահերթության տրամադրում Պենտագոնին։
Փոփոխությունները, որոնք ԱՄՆ ՊՆ-ն կներկայացնի Թրամփի դիտարկմանը, կարող են նաև ներառել սահմանափակումների թուլացում, որոնք վերաբերվում են որևէ կոնկրետ գործողության իրականացման ուղակվող ամերիկացի զինծառայողների թվին։
Ողջ ընտրարշավի ընթացքում հանրապետական Թրամփը քննադատել է ԱՄՆ նախագահ Բարաք Օբամայի և նրա վարչակազմի կողմից մղվող «անարդյունավետ հակաահաբեկչական պայքարը»։
