Դեռ վերջերս մենք ուրախանում էինք Շակիրայի համար, ով տոնում էր դատարանի վճիռն իր նախկին սիրելիի և համատեղությամբ մենեջեր Անտոնիո դե լա Ռուայի հայցի վերաբերյալ: Երիտասարդի երեք հայցերն ընդդեմ կոլումբիացի գեղեցկուհու մերժվել են, և թվում էր՝ Շակիրայի բոլոր տհաճությունները մնացել են անցյալում:
Սակայն, երգչուհուն ուղղված շնորհավորանքները վաղաժամկետ էին: Օրերս դե լա Ռուան Կոլումբիայի ռադիոկայանի եթերում պատմել է, որ մտադիր չէ հրաժարվել պայքարից ու շարունակելու է դատական գործընթացները:
«Դատավորը չի ասել, որ ես Շակիրայի ունեցվածքի նկատմամբ իրավունք չունեմ: Նա միայն նշել է, որ գերադասում է գործը հանձնել մեկ այլ ատյանի: Այդ պատճաով ես դիմելու եմ Կոլումբիայի կամ Բահամյան կղզիների բարձր դատական ատյաններ՝ գործը վերանայելու պահանջով: Ես պնդում եմ ինձ 100 մլն դոլար փոխհատուցում վճարելու մասին»,- նշել է նա:
Բացի այդ, նախկին ընկերն ընդգծել է, որ իր գործողություններում և անվերջ դատական հայցերում ոչ մի գրամ վրեժ չկա, ու ինքը երջանիկ է, որ Շակիրան նոր ընկեր ու փոքրիկ ունի։
