Եվրոպան կարող է բախվել սպառազինությունների նոր մրցավազքի՝ հաշվի առնելով իրադարձությունների ներկայիս զարգացումը։ Այս մասին հայտարարել է Գերմանիայի արտգործնախարար Ֆրանկ-Վալտեր Շտայնմայերը՝ փոխանցում է Interfax-ը։
«Ոչ ոք չի ցանկանա, որպեսզի սկսվի սպառազինությունների մրցավազքի նոր ալիք»,-ասել է նա ԵԱՀԿ արտգործնախարարների խորհրդի համաժողովի ժամանակ։
Շտայնմայերի խոսքով՝ «անվստահությունն ու վախը նպաստում են տարածաշրջանում ռազմական ներուժի մեծացման սոսկալի դինամիկային»։
Ավելի վաղ Գերմանիայի արտգործնախարարը կոչ էր արել վերագործարկել Եվրոպայում սպառազինությունների նկատմամբ վերահսկողության համակարգը։
