81 տարեկան հասակում մահացել է Ուիլյամ Քլարքը՝ նախագահ Ռոնալդ Ռեյգանի նախկին օգնականը: Այդ մասին հաղորդում է The New York Times-ը: Քլարքը մահացել է Շանդոնի իր ռանչոյում՝ Փարքինսոնի հիվանդության դեմ երկարատև պայքարից հետո: Մահվան մասին հաղորդել է նրա որդին՝ Փոլը:
Ուիլյամ Քլարքը ծնվել է 1931 թ. Օքսնարդում: Նա ավարտել է Սթենֆորդի համալսարանը և ծառայել է Եվրոպայի հետախուզությունում:
1983 թ. Քլարքը Time Magazine-ի կողմից ճանաչվել է «Սպիտակ տան երկրորդ ամենաազդեցիկ մարդ»: Այդ ժամանակ նա զբաղեցրել է ազգային անվտանգության խորհրդականի պաշտոնը:
