Այն ժամանակից, երբ ռեժիսոր Զաք Սնայդերը հայտարարեց, որ «Երկաթե մարդը» ֆիլմում միաժամանակ գործելու են Սուպերմենն ու Բեթմենը, համացանցում ամեն օր նորանոր լուրեր են հայտնվում Գոթեմ սիթիի հերոսի դերակատարի թեկնածության վերաբերյալ: Ըստ վերջին տարբերակի՝ Բեթմենի դերակատարը կարող է դառնալ «Մատանիների տիրակալը» և «Կարիբյան ծովի ծովահենները» ֆիլմերի աստղ Օրլանդո Բլումը:
Օրլանդո Բլումի հավանական մասնակցության մասին հաղորդել է The Daily Express-ը՝ հղում անելով Warner Bros ընկերության աղբյուրներին, որոնք պնդում են, որ այս աշնանը 36-ամյա Բլումը կարող է մի քանի ֆիլմի պայմանագիր ստորագրել:
Օրլանդոն այդ դերը ստանալու ավելի մեծ հնարավորություն ունի նախքան քասթինգների սկսվելը: Նա հիանալիորեն ներդաշնակ է Հենրի Քավիլլի հետ, և, ամենայն հավանականությամբ, ամերիկացի հանդիսատեսին հաճելի կլինի գլխավոր դերերում տեսնել երկու բրիտանացիներին:
