ՀՀ տրնասպորտի, կապի և ՏՏ նախարարության երկաթուղու վարչության նախկին պետ Արսեն Մկրտչյանը, ով տարիներ շաունակ գործունեություն է ծավալել «Հարվկովկասյան երկաթուղի» ՓԲԸ-ում ՝ որպես իրավաբանական վարչության պետի տեղկալ, «Առաջին լրատվական»- ի հետ զրույցում անդրադարձավ ընկերության թույլ տված խախտումներին:
Նրա խոսքով՝ ՀԿԵ-ում խախտումների պատճառը ոչ ադեկվատ կառավարումն է. հիմնական խախտումներն արտացոլված են եղել աուդիտորական եզրակացություններում, որոնք ներկայացվել են կառավարություն, հանդիպում է կազմակերպվել «Հարվկովկասյան երկաթուղի» ՓԲԸ-ի ղեկավարության և մայր ընկերության՝ «Ռուսական երկաթուղիներ» ընկերության ներկայացուցիչների հետ համատեղ, միջոցառումներ են մշակվել, որ խախտումները վերացվեն և հետագայում թույլ չտրվեն:
«Լրջագույն խնդիրն այն է, որ «Հարվկովկասյան երկաթուղի» ՓԲԸ-ի ակտիվները ավելի պակաս են, քան կանոնադրական կապիտալը: Եթե դա լիներ տեղական ընկերություն, իրավասու մարմինները արդեն վաղուց պետք է դիմած լինեին դատարան՝ ընկերությանը սնանկ ճանաչելու կամ ակտիվները կանոնադրական կապիտալին հավասարեցնելու: Հասարակության մեջ տպավորություն է, որ դա հզոր, մեծ կապիտալով աշխատող ընկերություն է, սակայն այդպես չէ»:
Արսեն Մկրտչյանը նաև տեղեկացրեց, որ քանի որ ինքը քննադատաբար է հանդես գալիս՝ մատնանշելով «Հարվկովկասյան երկաթուղի» ընկերության գործունեության ընթացքում արձանագրված խախտումները, ապա իր նախկին գործընկերներին՝ ընկերության այն աշխատակիցներին, ովքեր իր հետ հեռախոսազրույց են ունենում, կա՛մ տույժեր են նշանակում, կա՛մ պաշտոնանկ են անում, կա՛մ աշխատանքից հեռացնում են:
«Քննադատողին սև թուղթ են ցույց տալիս, մինչդեռ իմ քննադատության նպատակն այն է, որ համակարգը փրկվի, Վալկոներից ազատվելու ճանապարհը կտանի դեպի համակարգը պահելուն»,- նշեց Ա. Մկրտչյանը:
Մանրամասները՝ տեսանյութում:
