Աշխարհում սպառազինության 100 խոշորագույն արտադրողների (նրանցում գերիշխում են ԱՄՆ-ի և Արևմտյան Եվրոպայի ընկերությունները) վաճառքի ընդհանուր ծավալները ընդհանուր առմամբ փոքր-ինչ դանդաղել են 2015 թվականին՝ Արևմտյան Եվրոպայում աճի միտմամբ։ Այն մասին հայտնում է Խաղաղության խնդիրների հետազոտման Ստոկհոլմի միջազգային ինստիտուտը (SIPRI)`կապված աշխարհի 100 խոշորագույն ռազմաարդյունաբերական ընկերությունների ամենամյա վարկանիշի հրապարակման հետ։
Արևմտաեվրոպական ընկերությունների արտադրանքի իրացման ծավալը 2014-ին անկումից հետո աճել է 2015-ին 6.6 տոկոսով։ Այդ ցուցանիշներն ինստիտուտի վերլուծաբանները համարում են Արևմտայն Եվրոպայի համար նկատելի և որպես նոր միտման օրինակ անվանել 6 ֆրանսիական ընկերություններ, որոնց վաճառքի ընդանուր ծավալի աճը կազմել է 13 տոկոս։ Հիմնական գործարքները կատարվել են Եգիպտոսի և Կատարի հետ։ 2015-ին 7.4 տոկոսի աճ են գրանցել նաև գերմանական 3 ընկերություններ։ Ինստիտուտը 2.8 տոկոսի աճ է արձանագրել նաև բրիտանական ընկերությունների կողմից։
Վարկանիշում ընդգրկված 11 ռուսական ընկերությունների արտադրանքի իրացման ընդհանուր տվյալները 2015-ին աճել են նախորդ տարվա համեմատ 6.2 տոկոսով։
Ինստիտուտի տվյալներով՝ ընդհանուր առմամբ աշխարհում սպառազինությունների խոշորագույն արտադրողների իրացման ընդհանուր ծավալը 2014-ի համեմատ 2015-ին ընկել է 0.6 տոկոսվ և կազմել 371 մլրդ դոլար։ Իրացման ծավալների կրճատման գործընթաց դիտվում է վերջին 5 տարիներին։
Ամերիկյան ընկերությունները գրեթե չեն փոխել իրենց դիրքերը ցուցակում՝ չնայած 2015-ին վաճառքի ծավալների 2.9 տոկոսով կրճատմանը։
Առաջին տեղում, ինչպես նախորդ տարիներին, ամերիկյան Lockheed Martin կոնցեռնն է։ Երկրորդ տեղում, ինչպես նախորդ 2 տարիներին, ամերիկյան Boeing-ն է։ Եռյակը եզրափակում է բրիտանական BAE Systems-ը։
