Ադրբեջանական Salam News գործակալությանը տված հարցազրույցում ադրբեջանցի պատգամավոր ու քաղաքագետ Ռասիմ Մուսաբեկովն անդրադարձ է կատարել Վրաստանում տիրող ներքաղաքական լարված իրավիճակին.
«Ես կարծում եմ, որ Վրաստանում հեղափոխություն չի լինի: Սաակաշվիլիի ռեժիմը բավական ուժեղ է, որպեսզի Վրաստանում տեղի ունեցող զարգացումները չհանգեցնեն հեղափոխության:
Նախ Սաակաշվիլիի կառավարությունն առաջին հերթին օգտվում է ուժային կառույցների լիակատար աջակցությունից, և դրանք արդյունավետ կառույցներ են: Եվ երկրորդ` ես կարծում եմ, որ բնակչությունն առավել շատ աջակցում է Սաակաշվիլիին, քան` ընդդիմադիր առաջնորդներին:
Ես չեմ բացառում, որ Վրաստանում ընթացող ներքաղաքական զարգացումներն ուղղորդվում են արտաքին ուժերի կողմից: Դա մասնավորապես վերաբերում է Ռուսաստանին»:
Հիշեցնենք, որ վրաց ընդդիմադիրների տվյալներով, իրենց ակցիաներին մասնակցել է մոտ 10,000 մարդ, իսկ Վրաստանի ՆԳՆ-ի տվյալներով` մոտ 6300 մարդ:
