Մայիսի 22-ին Billboard ամսագրի ամենամյա մրցանակաբաշխության ժամանակ, որը տեղի է ունեցել Լաս Վեգասում, ամենաշատ մրցանակներ ստացել են պատանի երգիչ Ջասթին Բիբերը և Էմինեմը:
17-ամյա կանադացի Բիբերը նշված էր միանգամից 11 անվանակարգում և ստացավ դրանցից 6-ը: նա լավագույնն է ճանաչվել «Լավագույն նորամուտ» անվանակարգում: Նա նաև մրցանակներ է ստացել «Լավագույն փոփ ալբոմ»՝ My World 2.0-ի, իսկ ևս չորս մրցանակ՝ ինտերնետում ծավալած գործունեության համար:
Էմինեմը նույնպես աչքի է ընկել վեց մրցանակով, այդ թվում՝ «Լավագույն երգիչ» անվանակարգում: Նրա հիմնական մրցակիցներն էին Ջասթին Բիբերը, Լեդի Գագան, Ռիհաննան և Թեյլոր Սվիֆթը: Ի տարբերություն Ջասթին Բիբերի, նա նշված էր միանգամից 16 անվանակարգում, որոնցից 6-ը՝ Ռիհաննայի հետ միասին՝ Love the way you lie երգով: Այդ գործը մրցանակ ստացավ միայն մեկ՝ «Լավագույն ռեփ-կոմպոզիցիա» անվանակարգում:
Այս մրցանակաբաշխության ամենամեծ անհաջողակը Ռիհաննան է, որը ներկայացված էր 18 անվանակարգերում էր, սակայն ստացավ ընդամենը 3 մրցանակ: Նույնքան են ստացել նաև Լեդի Գագան, Աշերը, Mumford & Sons-ը, Թեյլոր Սվիֆտը, Տայո Կրուզը և այլն: