Եգիպտոսում ղպտիական ուղղափառ եկեղեցու առաջնորդ, պատրիարք Ֆեոդոր II-ը ստիպված է եղել դադարեցնել ամենշաբաթյա հանդիպումները հավատացյալների հետ՝ տապալված նախագահ Մուհամմադ Մուրսիին աջակցող իսլամիստների կողմից հնարավոր հարձակումների պատճառով: Այս մասին հայտնում է BBC-ն:
Անգլիայում ղպտիական ուղղափառ եկեղեցու եպիսկոպոս Անգելոսի խոսքով՝ Եգիպտոսում քրիստոնյաների նկատմամբ բռնության աննախադեպ աճի պատճառով իսլամիստների հետ հաշտեցման հույսերը գնալով նվազում են:
Իրավապաշտպաններն ավելի վաղ արդեն հանդես էին եկել Եգիպտոսում քրիստոնյաների վրա հարձակումների դատապարտմամբ: Իսլամիստները ղպտիներին մեղադրում են այն դերի համար, որը եկեղեցին խաղացել է Մուրսիի տապալման գործում: Նշենք, որ ղպտիական եկեղեցին հրաժարվել է Մուրսիի տապալումը հեղաշրջում ճանաչել:
