Ավստրալիայի «Միացյալ ազգ» ազգայնական կուսակցությունից պատգամավորի թեկնածուն լրագրողների հետ հարցազրույցի ժամանակ իսլամը պետություն է անվանել, ինչպես նաև շփոթել է այս կրոնի հիմնական գաղափարները, գրում է Daily Mail-ը:
Երկու երեխաների մայր, մասնագիտությամբ զոդող 27-ամյա Ստեֆանի Բանիստերը հայտնի է դարձել այն բանից հետո, երբ նրան ձերբակալել են սուպերմարկետում ապրանքների վրա հակամահմեդական բովանդակությամբ քարոզչական թղթիկներ փակցնելիս:
«Ես դեմ չեմ Իսլամ պետությանը, սակայն կարծում եմ, որ Ավստրալիան չպետք է ողջունի դրա օրենքները»,- ասել է նա Channel Seven տեղական հեռուստաալիքին տված հարցազրույցում:
Սակայն պատգամավորի թեկնածուն հետագայում բացատրել է, որ հարցազրույցում ինքն ի նկատի է ունեցել մահմեդական երկրներին:
Ներկա պահին Բանիստերի նկատմամբ քրեական գործ է հարուցվել: Նա ստիպված կլինի հանել իր թեկնածությունը, եթե մինչև սեպտեմբերի 7-ը նշանակված ընտրությունները նրա նկատմամբ պաշտոնական մեղադրանք առաջադրվի, տեղեկացնում է РИА Новости-ն:
