Ամերիկուհին, ում 30 տարի մահացած են համարել, անսպասելի ողջ և առողջ վերադարձել է ընտանիք: Կինը կարողացել է հարազատներին գտնել համացանցի օգնությամբ:
1981 թ. Բեթի Լուկիչը մեծ աղմուկով բաժանվել էր ամուսնուց և մեկնել Արիզոնա նահանգից: Նա թողել էր չորս երեխաներին հարազատների խնամակալությանը: Բեթին շատ անսպասելի անհետ կորել էր, այդ պատճառով ծնողները մտածել էին, որ նա մահացել է:
Սակայն 2013 թ. Բեթին որոշել է օգտվել սոցիալական ցանցից, որը նախատեսված էր հարազատներին գտնելու համար: Այդ ճանապարհով նա գտել էր զարմուհիներին, որոնք էլ հայտնել էին նրա դուստրերին մոր ողջ լինելու մասին: Բեթին հիմա 70 տարեկան է:
Պատասխանելով այն հարցին, թե ինչու էր անհետացել, Բեթին նշել է, որ իրեն ուղղակի հարկավոր էր փախչել բոլորից:
