ԱՄՆ-ում և Արևմտյան Եվրոպայում վաճառքի գալուց ընդամենը երեք շաբաթ անց երկար սպասված սպիտակ iPhone 4-ը Հայաստանում է: Սպիտակ iPhone 4-ը Orange-ի խանութներում վաճառվում է նույն գնով, ինչ սև iPhone-ը. iPhone 4 16 ԳԲ-ը`349,000 դրամ, իսկ 32 ԳԲ-ը` 409,000 դրամ:
iPhone 4-ն առանձնանում է FaceTime ծրագրով, որի շնորհիվ կարելի է տեսազանգ կատարել wi-fi-ի միջոցով: Այն աչքի է ընկնում նաև Apple-ի նորագույն Retina էկրանով, որը հեռախոսի համար երբևէ ստեղծված ամենաբարձր կետայնության էկրանն է: Այն ապահովում է տեքստի, պատկերի ու տեսանյութի գերազանց որակ:
iPhone 4-ն ունի 5 մեգապիքսելանոց տեսախցիկ` LED լուսարձակով, HD (բարձր հստակությամբ) տեսաձայնագրման հնարավորություն, Apple-ի A4 պրոցեսոր, գիրոսկոպ և ապահովում է 40 տոկոսով ավելի երկար խոսելաժամանակ: iPhone 4-ում տեղադրված է աշխարհի առաջատար բջջային օպերացիոն համակարգը` iOS 4-ը, որը ներառում է ավելի քան 100 նոր հնարավորություններ:
Հեղափոխական App Store-ը մուտքի հնարավորություն է ընձեռում ավելի քան 200,000 ծրագրային հավելվածների, այդ թվում` նոր iMovie-ին, որը ստեղծված է հատուկ iPhone 4-ի համար:
