Հիվանդանոցները համալրել են խոշոր հարկատուների շարքերը: Այս տարվա առաջին եռամսյակում 500 խոշոր հարկատուների ցուցակում են հայտվել 15 հիվանդանոց: Անցած տարի նրանց թիվն ընդամենը 5 էր:
Ամենախոշոր հարկատու հիվանդանոցը դիրքը չի զիջել: «Էրեբունի» բժշկական կենտրոնը այս տարվա առաջին 6 ամսիներին պետբյուջե է վճարել 540 մլն դրամ:
Երկրորդ տեղում Սբ Գրիգոր Լուսավորիչ բժշկական կենտրոնն է` պետբյուջե վճարված 310 մլն դրամով: Առաջատարը 2 անգամ, իսկ երկրորդ հիվանդանոցը 4 անգամ ավելացրել են հարկերի վճարումը մեկ տարում: Խոշոր հակատուների հիվանդանոցային եռյակը եզրափակում է Վերարտադրողական առողջության պերինատալոգիայի, մանկաբարձության և գինեկոլոգիայի ինստիտուտը` վճարված 206 մլն դրամով:
Խոշոր 500 հարկատուների ցանկում պետբյուջե վճարած գումարների աճով առանձնանում են նաև «Արաբկիր» բժշկական համալիրը, «Արմենիա հանրապետական բժշկական կենտրոնը», Ուռուցքաբանության ազգային կենտրոնը, Նորք-Մարաշ բժշկական կենտրոնը, «Շենգավիթ» բժշկական կենտրոնը, «Շտապբուժօգնությունը», «Նաիրի» բժշկական կենտրոնը:
