Բրիտանացի պրոֆեսոր, Global Food Security կազմակերպության ղեկավար Թիմ Բենթոնը հայտարարել է, որ ԱՄՆ-ի և Եվրոպայի բնակչությունը մոտ ժամանակներս ստիպված կլինի 1/3-ով կրճատել սննդի օգտագործումը: Այս քայլը հնարավորություն կտա հետաձգել համաշխարհային սննդամթերքի ճգնաժամը, որն արդեն հասունանում է: Հողը նոր դաշտավայրերով և անասնապահական ֆերմաներով զբաղեցնելու փոխարեն, պրոֆեսորի կարծիքով, հարկավոր է նվազագույնի հասցնել սննդի օգտագործումն ու սննդային թափոնների քանակը:
Ըստ նրա՝ առաջին հերթին հարկավոր է նվազեցնել ռեստորանների և սրճարանների չափաբաժինները, վերացնել սննդամթերքի զեղջով վաճառքը և մարդկանց սովորեցնել պարզ սննդամթերքներից ճաշատեսակներ պատրաստել: Այս միջոցառումները ոչ միայն կօգնեն տնտեսել սննդամթերքները, այլև լավ կանդրադառնան առողջության վրա:
Թիմ Բենթոնը նախազգուշացնում է, որ եթե մենք հիմա չփոխենք մեր վերաբերմունքը սննդի հանդեպ, դա ստիպված կլինեն անել մեր երեխաները, ովքեր սննդամթերքի ճգնաժամում կհայտնվեն և այլ ընտրություն չեն ունենա:
