ԱՄՆ Կոնգրեսի Ներկայացուցիչների պալատը կողմ է քվեարկել 10 տարով Իրանի դեմ պատժամիջոցների մասին օրենքի գործողության երկարացմանը։ Այդ որոշմանն աջակցել են 419 կոնգրեսականներ, միայն 1-ն է դեմ քվեարկել։ Այս մասին հայտնում է Reuters գործակալությունը։
Փաստաթուղթը թույլ է տալիս ԱՄՆ նախագահին սահմանափակումներ կիրառել նրանց դեմ, ովքեր մասնակից են Իրանի կողմից բալիստիկ հրթիռների մշակմանը, ահաբեկչությանն աջակցմանը, ինչպես նաև մեղավոր են մարդու իրավունքների խախտումների համար։
«Այսօր մենք հնարավորություն ենք տալիս (Սպիտակ տանը) կրկին սահմանել ամենաուժեղ պատժամիջոցները իրանական էներգետիկ ոլորտի դեմ այն դեպքում, եթե ռեժիմը փորձի ստանալ միջուկային զենք։ Եվ ես հույս ունեմ, որ այդ նախագիծը նախագահի ստորագրմանը կներկայացվի մինչ Կոնգրեսի 114-րդ նստաշրջանի ավարտը (մինչ դեկտեմբերի վերջ»,-գործընկերներին է դիմել պալատի միջազգային հարցերով կոմիտեի նախագահ Էդ Ռոյսը։
Օրինագիծն ուժի մեջ մտնելու համար պետք է ստանա Սենատի ու նախագահի հավանությունը։
