Պակիստանում շատ հայտնի է տեսությունն այն մասին, որ Դոնալդ Թրամփը ծնվել է Պակիստանում և ԱՄՆ-ում շատ պատահական է հայտնվել, գրում է Der Spiegel գերմանական պարբերականը։
Պակիստանյան Neo News հեռուստաալիքի սյուժեի համաձայն՝ Թրամփը ծնվել է ոչ թե Նյու Յորքի Քուինս շրջանում, այլ Շավալ հովտում՝ Հյուսիսային Վազիրիստանում՝ Աֆղանստանի հետ սահմանին։ Նրա իսկական անունը եղել է Դավուդ Իբրահիմ Խան։ Հեռուստաալիքի տվյալներով՝ փոքրիկ Խանը իր մանկությունն անցկացրել է հենց այստեղ, հաճախել է կրոնական դպրոց այնքան ժամանակ, մինչև ծնողները մահացել են ավտովթարից։ Նշվում է, որ դրանից հետո տղային Լոնդոն է տարել բրիտանական բանակի սպա, որտեղից էլ նա հայտնվել է ԱՄՆ-ում, ուր երեխային որդեգրել է Թրամփերի ընտանիքը։
Հեռուստատեսային սյուժեն ցուցադրվել է ուրդու լեզվով դեռևս հոկտեմբերին, սակայն այն մեծ հայտնիություն է ձեռք բերել ԱՄՆ նախագահական ընտրություններում Թրամփի հաղթանակից հետո։ Նշվում է, որ հայտնաբերվել են նաև Թրամփի պակիստանցի հարազատները, որոնցից ԴՆԹ անալիզ են վերցրել։
Միևնույն ժամանակ Պակիստանում Թրամփին առանձնապես չեն սիրում, պատճառը նախընտրական քարոզարշավի ժամանակ հայտարարությունն է այն մասին, որ ԱՄՆ կարգելի մուսուլմաններին մուտք գործել երկրի տարածք։ Այնուամենայնիվ, ինչ-որ մեկը համացանցում հայտնաբերել է հին տեսաձայնագրությոն՝ 5 վայրկյան տևողությամբ, որում Թրամփն ասում է՝ «Ես սիրում եմ Պակիստանը։ Ես սիրում եմ Պակիստանը»։
