Կանադական ուղևորատար օդանավը հազիվ է խուսափել չճանաչված թռչող օբյեկտի հետ բախումից։ Այս մասին հայտնում է CTV հեռուստաալիքը՝ հղում անելով Porter Airlines ավիաընկերության հայտարարությանը։
Օդանավը թռիչք էր իրականացնում Օտտավայից Տորոնտո և գտնվել է նշանակակետից 55 կմ արևելք՝ 2700 մետր բարձրության վրա, երբ օդաչուները նկատել են օբյեկտը։
Օբյեկտից խուսափելու համար արված մանևրի հետևանքով երկու բորտուղեկցորդուհիները թեթև վնասվածքներ են ստացել։ Օդանավում 54 մարդ է գտնվել։
Սկզբում օդաչուները օբյեկտը նմանեցրել են փուչիկի, սակայն հետո հայտարարել է, որ այն կարող է լինել անօդաչու սարք։ Տրանսպորտի անվտանգության ծառայությունը քննիչներ է ուղարկել՝ անձնակազմին հարցաքննելու համար։
Սիրողական անօդաչուների մեծամասնությունը չի կարող հասնել 3000 մետր բարձրության, սակայն կոմերցիոն, գիտական և ռազմական նշանակության սարքերը կարող են։
