Բոլւղարիայի հեռացող նախագահ Ռոսեն Պլևնելիևը վստահ է, որ Ռուսաստանը փորձում է ապակայունացնել Եվրոպան Բալկանների միջոցով։ Այս մասին նա հայտարարել է Die Presse-ին տված հարցազրույցի ժամանակ։
Նրա խոսքով՝ Մոսկվան բազմաթիվ մեթոդներ ունի Եվրամիության միասնությունը խարխլելու համար՝ սկսած պրոպագանդայից, վերջացրած ծայրահեղ աջ և ձախ ուժերի ֆինանսավորմամբ, որոնք թշնամական վերաբերմունք ունեն եվրաինտեգրման գաղափարի հանդեպ։
«Նման բան տեղի է ունենում Բուլղարիայում։ ԵՄ շատ հակառակորդներ ֆինանսական աջակցություն են ստանում Ռուսաստանից։ Այստեղ պետք է հիշել նաև կիբերհարձակումների մասին, որոնք ուղղված են այդ թվում նաև Բուլղարիայի դեմ»,-ասել է նախագահը։
Պլևնելիևի խոսքով՝ Բալկանները Ռուսաստանի համար առանձնահատուկ ռազմավարական նշանակություն ունեն, քանի որ հենց այս տարածաշրջանն է ամենալավը համապատասխանում Եվրոպան քայքայելու համար։
