Գերմանիայում երկաթգծերի վրա հայտնված տղամարդը հայհոյել է գնացքի մեքենավարին, ով քիչ էր մնում վրաերթի ենթարկեր նրան, գրում է The Local-ը: Միջադեպը տեղի է ունեցել կիրակի լույս երկուշաբթի գիշերը՝ Քյոլն-Մեսե/Դոյց երկաթուղային կայարանում:
55-ամյա տղամարդը գնացքի տակ է հայտնվել՝ չնայած այն բանին, որ մեքենավարը նկատել է նրան և կտրուկ կանգնեցրել գնացքը: Սակայն գնացքը, միևնույն է, անցել է տղամարդու վրայով, ով բոլորովին չի տուժել:
Գնացքի տակից դուրս գալով՝ տղամարդը սկսել է բղավել և հայհոյել մեքենավարին՝ ասելով, որ նա ժամանակին չի կանգնել: Վարորդը դիմել է գնացքի անձնակազմին, որպեսզի նրանք հանգստացնեն տղամարդուն և դուրս բերեն կայարանից: Այժմ, հավանական է՝ նա պատասխանատվության կենթարկվի՝ իրենից սպառնալիք ներկայացնող վարքագծի համար:
