Եգիպտոսի գլխավոր դատախազությունն այսօր հրաման է արձակել ձերբակալել երկրի նախկին նախագահ Մուհամմեդ Մուրսիի գրասենյակի ղեկավարին ու նրա անվտանգության հարցերով խորհրդականին՝ բռնություն կիրառելու կոչերի համար, հայտնում է ITAR-TASS-ը:
Ահմեդ Աբդել Ատան ու Այման Խուդխուդը ձերբակալվել են 15 օրով՝ անցած տարվա դեկտեմբերի իրադարձությունների հետաքննության շրջանակում, երբ երկրի ղեկավարի նստավայրի մոտ լուրջ բախումներ էին տեղի ունեցել իսլամիստների կողմնակիցների ու հակառակորդների միջև:
Ձերբակալվածները մեղադրվում են ցուցարարներին կալանավորելու, բռնությամբ պահելու, նրանցից կտտանքների ու վախի միջոցով վկայություններ կորզելու մեջ:
