Տասնյակ հազարավոր ցուցարարներ մեկ ամսում երրորդ անգամ դուրս են եկել Հարավային Կորեայի մայրաքաղաք Սեուլի փողոցներ՝ նախագահ Պակ Կին Հեի հրաժարականի պահանջով։ Այս մասին հայտնում է BBC-ն։
Սպասվում է, որ դա կլինի բողոքի ակցիաներից խոշորագույնը, որոնք հաջորդել են պետական գործերում կորեացի առաջնորդի մոտ ընկերուհու միջամտության հետևանքով առաջացած սկանդալին։
Հոկտեմբերի վերջին լրագրողները Սեուլի հյուրանոցներից մեկի աղբամանում գտել էին պլանշետ, որում հայտնաբերվել էր 2012-14 թթ 200 գաղտնի փաստաթուղթ։ Դրանց թվում եղել են Պակ Կին Հեի ելույթների 44 սևագրեր։
Պարզվել է, որ ելույթների տեքստերը խմբագրել է Չհվե Սուն Սիլը, որին ընդդիմությունն անվանում է «գուշակ»։
Քննիչները կասկածում են նրան պետական գործերին միջամտելու և ֆինանսական շահ ստանալու համար իր դիրքը կիրառելու մեջ։
