Հյուսիսային Կորեան, որը այդպես էլ չի պատասխանել Հարավային Կորեայի՝ եզրափակիչ բանակցություններ անցկացնելու առաջարկին, այսօր կրկին մեղադրել է Սեուլին միջկորեական հարաբերություններում «ոչ անկեղծության» մեջ՝ հաղորդում է «Ռենհապ» գործակալությունը՝ հղում կատարելով հյուսիսկորեական ԶԼՄ-ներին:
Հյուսիսկորեական «Նոդոն սինմուն» թերթը, որը Աշխատանքային կուսակցության տպագիր օրգանն է, այսօր հրապարակել է հոդված, որում ասվում է, որ ճգնաժամի պատճառը երկու երկրների միջև հարաբերությունները կարգավորելու անկեղծ մտադրության բացակայությունն է:
Թերթի տեղեկություններով՝ հենց հարավկորեացի իշխանությունների անգործության հետևանքով են տապալվել Կեսոն արտադրական գոտու աշխատանքների վերսկսման հուլիսյան բանակցությունները: