ԵՄ-ին անդամակցելու շուրջ Թուրքիայի հետ բանակցությունների՝ Եվրահանձնաժողովի համար պատրաստված զեկույցում, որը ներկայացվելու Է նոյեմբերի 9-ին, բացասական գնահատական Է տրվում Անկարայի պատրաստվածությանը: Ինչպես հաղորդում է RIA Novosti-ն, այս մասին հայտարարել է Գերմանիայի ԱԳ նախարարության պետքարտուղար Միխայել Ռոտը:
«Եվրահանձնաժողովին իրոք բացասական զեկույց Է ներկայացվելու, արդեն ոչ առաջին անգամ: Նույնիսկ վերջին զեկույցը զգալի չափով քննադատական Էր: Եվրահանձնաժողովը շատ սթափ, շատ հստակ ու խիստ քննադատաբար կներկայացնի՝ ինչ վատ բան Է տեղի ունենում Թուրքիայում: Դա, ցավոք, չափազանց շատ Է»,-ասել Է բարձրաստիճան դիվանագետը:
Ռոտի կարծիքով, «այն, ինչ այժմ տեղի Է ունենում Թուրքիայում, ոչ մի առնչություն չունի եվրոպական արժեքների, իրավունքի գերակայության, ժողովրդավարության և ԶԼՄ-ների ազատության մեր ըմբռնման հետ»:
Ավելի վաղ ԵՄ-ի դիվանագիտության ղեկավար Ֆեդերիկա Մոգերինին հայտարարել Է, որ Եվրամիությունը լրջորեն անհանգստացած Է վերջին ժամանակներս Թուրքիայում տեղի ունեցող իրադարձություններից։
