Թուրքական Haberler.com լրատվական կայքի փոխանցմամբ՝ Թուրքիայի նախագահ Ռեջեփ Էրդողանը տվյալներ է ներկայացրել «Քրդստանի աշխատավորական» կուսակցության (PKK) դեմ պայքարի մասին.
«2015 թվականի հուլիսի 20-ից (Թուրքիայում PKK-ի դեմ ռազմական գործողությունների վերսկսումից) հետո ցայժմ PKK-ը սպանել է անվտանգության ուժերի 787 աշխատակից (զինվորական, ոստիկան, գյուղական պահապան), ինչպես նաև 312 քաղաքացու։
Այդ գործողություններում վիրավորվել է ավելի քան 4000 անվտանգության ուժերի ներկայացուցիչ և ավելի քան 2000 քաղաքացի։
Ահաբեկչական կազմակերպության դեմ գործողություններում առգրավվել է 5500 հրաձգային զենք, 650.000 փամփուշտ, 142 տոննա պայթուցիկ, մոտ 15.000 ռումբ։ Հեյ Արևմուտք, սպասում ենք կարծիքիդ»։
