Տրանսպորտի և կապի ոլորտներին 2017 թվականի բյուջեով նախատեսվում է տրամադրել 49,806.9 մլն դրամ: Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը լրագրողների հետ զրույցում նշեց, որ անցած տարվա համեմատ ոլորտին տրամադրվող գումարների կրճատումը անդրադառնալու է ոչ միայն Հյուսիս-Հարավ մայրուղու, այլ նաև բոլոր ճանապարհների հետ կապված աշխատանքի վրա. «Եթե բյուջեի հատկացումները շատ լինեն, շատ կկառուցենք, շատ կհիմնանորոգենք»:
Նախարարը դժվարանում է պատասխանել հարցին, թե ում կողմից են չարաշահումներ եղել՝ Հյուսիս-Հարավ մայրուղու կառուցման թերացումների հետ կապված, և ով պետք է պատասխան տա:
«Եկեք, գնահատենք՝ ընդհանրապես չարաշահումն ում կողմից է արվել: Դա ես չէ, որ միայն պետք է գնահատեմ»,- ասաց նախարարը։
Հարցին՝ նախկին նախարար Գագիկ Բեգլարյանը պետք է պատասխան տա, Վ. Մարտիրոսյանն ընդգծեց. «Ոչ մի այդպիսի խոսք չկա: Նախկին նախարարն իր գործն արել է և արել է բարեխիղճ: Եքե կոնկրետ դեպքի ծանոթ եք, ներկայացրեք»:
Նախարարը դժվարացավ պատասխանել հարցին, թե հնարավո՞ր կլինի ավարտել մայրուղու շինարարությունը մինչև 2020 թվականը։
Մանրամասները՝ տեսանյութում:
