ԱՄՆ Գաղտնի ծառայության և տեղի ոստիկանության աշխատակիցները զենք չեն հայտնաբերել ԱՄՆ նախագահի հանրապետական թեկնածու Դոնալդ Թրամփի՝ Նևադա նահանգում ընդհատված ելույթի ժամանակ ձերբակալված կասկածյալի մոտ: Այս մասին հայտնում է Agence France-Presse-ը:
ԱՄՆ Գաղտնի ծառայության գործակալները շաբաթ երեկոյան Ռինո քաղաքում կողմնակիցների առաջ ելույթի ժամանակ մի քանի րոպեով բեմից հեռացրել են Թրամփին: CNN-ի հաղորդմամբ՝ Գաղտնի ծառայությունում տեղեկություն էր ստացվել դահլիճում զինված անձի ներկայության մասին: Տղամարդը ձերբակալվել էր:
Գործակալության հաղորդմամբ՝ Գաղտնի ծառայությունը հայտնել է, որ հետաքննությունը շարունակվում է: Ամերիկյան ԶԼՄ-ները հայտնում են, որ ոստիկաններն ազատ են արձակել կասկածյալին:
