Ստամբուլի Աթաթյուրքի անվան օդանավակայանի շենքի մոտ հրաձգություն է տեղի ունեցել, օդանավակայանին հասանելիությունն արգելափակվել է: Այս մասին հայտնում է BNO News պորտալը՝ հղում անելով ականատեսներին և տեղի իշխանություններին:
Ականատեսների խոսքով՝ օդանավակայանի շենքի մոտ մի քանի կրակոց է հնչել: Առայժմ պարզ չէ՝ արդյոք հրաձգության հետևանքով տուժածներ կան:
Իսկ Reuters-ը հայտնում է, որ հրաձգությունը սկսել են ոստիկանները, երբ մոտոցիկլով անհայտ անձինք հրաժարվել են կանգ առնել: Հաղորվում է մեկ վիրավորի մասին:
Ավելի ուշ իրավապահները ձերբակալել են ենթադրյալ հանցագործներին, որոնք հրաժարվել են ենթարկվել իրավապահների պահանջին, հայտնում է BNO News-ը: Կասկածյալների մոտ զենք կամ պայթուցիկ չի հայտնաբերվել:
