Հռոմի պապ Ֆրանցիսկոսն արձակուրդ չի գնում, այլ զբաղվում է փոփոխությունների նախապատրաստմամբ, որոնք նա մտադիր է կիրառել կաթողիկ եկեղեցում: Այս մասին հաղորդում է Ria Novosti-ն՝ վկայակոչելով Սուրբ գահի մամլո ծառայության ղեկավար քահանա Ֆեդերիկո Լոմբարդիին:
«Ֆրանցիկսկոս պապը Վատիկանում կմնա, սակայն Բրազիլիա այցից հետո իրեն թույլ կտա հանգստանալ սովորականից մի փոքր ավելի»,- ասել է Լոմբարդին:
Նրա խոսքերով՝ քահանայապետը պատրաստում է եկեղեցու բարեփոխումները, որպեսզի այն ավելի միսիոներական և կոլեգիալ դարձնի: Նա տքնաջան աշխատում է, իսկ օգոստոսին նա դրա համար շատ ժամանակ ունի, քանի որ չեղյալ են հայտարարվել չորեքշաբթի օրերին բոլոր ընդհանուր լսումները։ Սակայն օգոստոսի յուրաքանչյուր կիրակի Ֆրանցիսկոսը կեսօրյա Angelus աղոթքի ժամանակ կդիմի հավատացյալներին՝ Սուրբ Պետրոսի հրապարակում։
