Հարավային Կորեայի մայրաքաղաք Սեուլում շաբաթ օրը երկրի նախագահ Պակ Կին Հեյի հրաժարականի պահանջով զանգվածային ցույց է անցկացվել: TASS-ի հաղորդմամբ՝ ակցիային մասնակցել է 25 000-35 000 մարդ: Ավելի վաղ հարավկորեական արհմիությունները խոստացել էին 200 000 հոգի հավաքել:
Ցուցարարները բացականչում են՝ «Պակ Կին Հե, հեռացի՛ր», «Իմփիչմենթի ժամանակն է»: Ցույցը խաղաղ է անցել:
«Մենք հանդես ենք գալիս հօգուտ Պակ Կին Հեի հրաժարականի, քանի որ նա խաթարել է երկրի ժողովրդի վստահությունն իր հանդեպ՝ պետության կառավարմանը բոլորովին օտար մարդկանց մոտ թողնելով»,- ասել է ցույցի մասնակիցը:
Շատ ցուցարարների վիրավորել են ոչ միայն երկրի ղեկավարի չարաշահումները, այլև այն, որ նա սկզբում փորձել է հերքել այդ փաստերը՝ դրանք խոստովանելով միայն անհերքելի ապացույցների հրապարակումից հետո:
Հակակառավարական ցույցի վայրից ոչ հեռու անցկացվել է ոչ մեծ ցույց հաջակցություն նախագահի, որի մասնակիցները կոչ են արել «հանգիստ թողնել Պակ Կին Հեին»:
