«Ժողովուրդ» թերթը գրում է. «Եկող տարվա գարնանը Հայաստանում իսկական ընտրական բում է սպասվում: Փաստորեն նոր` փոփոխված Սահմանադրությամբ քաղաքական մեծ նշանակություն ունեցող և մեծ տարածք ընդգրկող ընտրությունները չորսն են. խորհրդարանական, Երևանի, Գյումրիի և Վանաձորի ավագանու ընտրությունները: Վերջին երկուսը արդեն տեղի են ունեցել, իսկ մյուս երկուսը` խորհրդարանական և Երևանի ավագանու ընտրությունները, պետք է տեղի ունենան եկող տարի գարնանը:
Ավելին՝ երբ «Ժողովուրդ» օրաթերթը օրենսդրության պահանջները և ընտրությունների ժամկետները համադրեց, ստացվեց, որ խորհրդարանական ընտրությունները դեռ չվերջացած սկսվելու են Երևանի ավագանու ընտրությունների նախընտրական գործընթացները, մասնավորապես թեկնածուների առաջադրումը:
Արդյունքում, հատկապես Երևանի ավագանու ընտրությունների մասնակցության խնդիրն ընդդիմադիր քաղաքական ուժերի համար բավական բարդ լուծելի է լինելու: Իսկ թե որ քաղաքական ուժերը կկարողանա այդ վիճակից պատվով դուրս գալ, ցույց կտա ժամանակը»:
Մանրամասները՝ թերթի այսօրվա համարում
