«Ահաբեկչությամբ իշխանության փոփոխությունը բոլորովին ցանկալի չէ, ընդունելի չէ, մարդ սպանելով, անօրեն ձևով, անօրինական ճանապարհներով օրինականություն հնարավոր չէ հաստատել,- այս մասին «Առաջին լրատվականի հետ զրույցում ասաց Երևանի ավագանու «Բարև Երևան» խմբակցության անդամ Անահիտ Բախշյանը:
Նրա կարծիքով՝ Հոկտեմբերի 27-ն ուներ արտաքին հասցեատեր: «Կային կասկածներ, և Լիտվինենկոյի հայտարարություններից և նրա մահից հետո շատ տրամաբանական է Ռուսաստանի հետ կապը:
Վազգեն Սարգսյանը, երբ 99-ին վարչապետ էր, ասաց. «Մենք տեր ենք մեր երկրին, մեր երկրի շահերից ելնելով ենք իրականացնելու արտաքին քաղաքականություն»: Դա շատերին, մասնավորապես Ռուսաստանի Դաշնությանը ձեռնտու չէր: Եվ մենք այսօր տեսնում ենք, թե ինչպես ենք կորցնում կաթիլ առ կաթիլ ամեն օր կորցնում մեր ինքնիշխանությունը Ռուսաստանի շնորհիվ»:
Հարցին՝ ղարաբաղյան խնդրի վրա ի՞նչ ազդեցություն ունեցավ Հոկտեմբերի 27-ը, Անահիտ Բախշխանը պատասխանեց, որ եթե Հոկտեմբերի 27-ը չլիներ, Արցախը կլիներ բանակցությունների կողմ. «Հոկտեմբերի 27-ից հետո Արցախը դուրս մղվեց բանակցություններից, սա արդեն կորուստ էր, քանի դեռ այս երկիրը չի վերադարձել բանակցությունների սեղանի շուրջ, ոչ մի Մինսկի խումբ վստահելի չէ»:
Մանրմասները՝ տեսանյութում:
