Դերասան Հայկ Մարությանը՝ Կարգին Հայկոն Facebook-ի իր էջում գրում է.
Ուրեմն, ինչ կապված է այս նոր վճարովի ավտոկանգառների անկազմակերպ կազմակերպմանը.
1.Նախ ասեմ, որ մինչև հիմա չեմ հասկանում, թե ինչո՞ւ է պետությունը «ամենայուղոտ» կտորները տալիս մասնավորին: Քաղաքի տարածքը բոլորինս է, և այն օգտագործելուց պետք է շահույթ ստանան բոլորը (քաղաքային բյուջե գումար լցվելու տեսքով), այլ ոչ թե «առյուծի» բաժինը ստանա մասնավորը, իսկ ոչխարի բաժինը՝ քաղաքը:
2.Այդ անտեր տենդերը հայտարարելուց ինչու պահանջ չի դրվում, որ շահող կազմակերպությունն իր միջոցներով պատրաստի ինֆորմացիոն տեսահոլովակներ, բրոշյուրներ, պաստառներ և այլն, որտեղ բացատրվի, թե ինչպես է այս ամենը աշխատելու, և 6 ամիս շարունակ հեռուստաալիքներով, ինտերնետ տիրույթում և քաղաքում տարածվի այդ ինֆորմացիան, որպեսզի մարդիկ տեղեկացված լինեն, որ այսպիսի բան կա, և ինչպես է այդ ամենը աշխատում: (Դրա վառ օրինակներից է «շահող ՀԴՄ կտրոնի» գովազդային արշավը, որն ի դեպ, պետական փողերով էր արված: Այնպիսի տպավորություն է, որ պետական փողերը ափսոս չէ, մասնավորինը շաաաաատ ափսոս է):
Այսքանից, կարելի է հետևություն անել, որ այս ամենը կազմակերպողները ունեն միայն մի նպատակ՝ ԹԱԼԱՆԵԼ անտեղյակ ժողովրդին:
Հ.Գ. Այդ կանգառներից գանձվող գումարները հասկացանք, որ գնում է մեկի գրպանը: Բա եթե չվճարեցիր և տուգանվեցիր, այդ գումարը ո՞ւր է գնում: Պետակա՞ն, թե՞ սեփական գրպան:
Լուսանկարը՝ bravo.am-ի
