Դորտմունդի «Բորուսիա»-ի նորեկ Պյեր-Էմերիկ Օբամեյանգը հարցազրույց է տվել Sport1.de կայքին:
«Մրցաշրջանի ավարտից հետո գործակալս անմիջապես մի քանի առաջարկ ստացավ: Առանց երկմտելու ընտրեցի «Բորուսիա» տեղափոխության տարբերակը: Խոստովանեմ, որ ուշադիր հետևում էի թիմի ելույթներին, որը վերջին մի քանի մրցաշրջաններում մեծ նվաճումներ ունեցավ:
Ինձ դուր է գալիս «Բորուսիա»-ի խաղային փիլիսոփայությունը և երջանիկ եմ, որ տեղափոխվել եմ այս ակումբ:
Ինչ վերաբերում է «Բորուսիա»-ի և «Բավարիա»-ի դիմակայությանը, ապա կարող եմ նշել, որ մենք գրեթե չենք զիջում նրանց»,- հայտարարել է Օբամեյանգը:
