ԱԺ արտահերթ նիստում «ՀՀ Ընտրական օրենսգրքում փոփոխություններ և լրացումներ կատարելու մասին» օրենքի նախագծի քննարկմանը ԱԺ խմբակցությունները հանդես եկան առաջին ընթերցման ամփոփիչ ելույթներով:
ՀՀԿ խմբակցության ղեկավար Վահրամ Բաղդասարյանը ողջունեց քաղաքական ուժերի կողմից կատարված աշխատանքը: Բաղդասարյանը բոնուսների մեխանիզմն անվանեց պարզ թվաբանություն, սակայն հավելեց, թե դեմ չեն, եթե բերեն նոր նախաձեռնություն, նորից քննարկեն: «Բավական լուրջ քայլ է կատարված, և ես ողջունում եմ բոլոր ուժերին, քաղաքացիական հասարակությանը, «4+4+4» ձևաչափին, որ կարողացանք երկարաժամկետ քննարկումներից հետո արդյունք ունենալ»,- ասաց Վ. Բաղդասարյանը:
ԼՀԿ-ին, ԲՀԿ-ին և ՀՎԿ-ին նա հորդորեց հանգիստ թողնել Վանաձորի և Գյումրիի քաղաքապետերին: «Այս դարբնոցում է, որ քաղաքական մարդիկ են, և խախտումները կատարվում են այստեղ: Եվ ոչ թե պետք է գնաք վանաձորցիներին ասեք՝ այս ի՞նչ քաղաքական խախտումներ արեցիք: Մեկ օրվա, մեկ ժամվա քաղաքական ամուսնությունով չեք կարող խաբել հանրությանը, ժողովրդին մոլորության մեջ գցել: Ես խնդրում եմ քաղաքական ախտոտված ձեռքերը հեռու պահեք լոռեցիներից: Այս մարդիկ գիտեն իրենց գործը»:
Մանրամասները՝ տեսանյութում:
