Ռուսական RIA Novosti լրատվական գործակալության փոխանցմամբ՝ ՌԴ ԱԳՆ սպառազինությունների վերահսկողության ու տարածման հարցերով դեպարտամենտի տնօրեն Միխայիլ Ուլյանովը հայտարարել է, որ զինաթափման հարցերով Մոսկվայի ու Վաշինգտոնի միջև շփումներն այս տարի դարձել են ավելի պակաս արդյունավետ:
«Դրանք բավական ակտիվ էին՝ թե՛ երկկողմ շփումները, թե՛ հնգյակի (միջուկային) շրջանակներում, սակայն պակաս արդյունավետ են այս տարի՝ համեմատած նախորդ տարիների հետ։
Շփումներն անցկացվում են բավական կանոնավոր, տարբեր մակարդակներով։ Հոկտեմբերի 6-ին Նյու Յորքում «միջուկային հնգյակի» երկրների ներկայացուցիչների հանդիպման ժամանակ առաջին անգամ քննարկվել է միջուկային դոկտրինը»։
