Հռոմի պապ Ֆրանցիսկոսը որոշել է հրաժարվել Կաստել Գանդոլֆո վայրում ամառային նստավայրից, որից նրա նախորդները օգտվել են համարյա 4 դար: Այդ մասին հայտնել է Repubblica պարբերականը:
Հոկտեմբերի 21-ից Պապի պալատի մասնավոր բնակարանները հասանելի կլինեն զբոսաշրջիկների համար, իսկ նոր թանգարանային տարածքի բացման ժամանակ ելույթ կունենա Չինաստանից ժամանած երգչախումբը «Գեղեցկությունը միավորում է» ծրագրով, ճշտում է պարբերականը:
Ֆրանցիսկոսը, ով պապ դառնալու առաջին օրերից է հրաժարվել իր նախորդների այնտեղ ապրելու ավանդույթից, ոչ մի անգամ Կաստել Գանդոլֆոյում չի հանգստացել: Ի դեպ, չի կարելի բացառել, որ ապագայում Ալբանո լճի ափին գտնվող հայտնի պալատը կրկին չի ծառայի որպես հանգստանալու և մեկուսանալու վայր Հռումի հերթական պապի համար:
