Սպիտակ տունը դատապարտում է նոր ահաբեկչությունները Թուրքիայում: SBS հեռուստաալիքի հաղորդմամբ՝ այս մասին հայտարարել է Սպիտակ տան Ազգային անվտանգության խորհրդի ներկայացուցիչ Նեդ Փրայսը:
«ԱՄՆ-ը կտրականապես դատապարտում է այսօրվա ահաբեկչական հարձակումը զինվորական հսկիչ անցակետի վրա Թուրքիայի հարավ-արևելքում, որի հետևանքով շատ մարդիկ են զոհվել, այդ թվում՝ քաղաքացիական անձինք, և շատ մարդիկ վնասվածքներ են ստացել: Մենք դատապարտում ենք հինգշաբթի Ստամբուլում ոստիկանական բաժանմունքի մոտ նաև ռումբի և մոտոցիկլետի կիրառմամբ հարձակումը»,- ասել է Փրայսը:
Նա հիշեցրել է, որ ոստիկանական բաժանմունքի վրա հարձակման պատասխանատվությունը ստանձնել է Քրդական աշխատավորական կուսակցության (PPK) ստորաբաժանումը: Նրա խոսքով՝ ԱՄՆ-ը անհանգստացած է այդ խմբավորման կողմից բռնությամբ և ցավակցում է զոհվածների ընտանիքներին: Վաշինգտոնը կշարունակի Թուրքիային աջակցել ահաբեկչության դեմ պայքարում, եզրափակել է Փրայսը:
Կիրակի 10 զինվորական և 8 քաղաքացիական անձ է զոհվել Թուրքիայի հարավ-արևելքում՝ Հաքարի նահանգի Շեմդելինի շրջանում ականապատ ավտոմեքենայի պայթյունի հետևանքով:
Անցած հինգշաբթի պայթյուն է որոտացել Ստամբուլում Աթաթյուրքի անվան օդանավակայանից ոչ հեռու, որի պատճառը եղել է ականապատ մոտոցիկլետը: Վերջին տվյալներով՝ ահաբեկչության հետևանքով 10 մարդ է տուժել:
