Առողջապահության նախարարությունը մոտակա օրերին կառավարությանը կներկայացնի իր ծրագիրը, այսօր լրագրողների հետ զրույցում ասաց առողջապահության նախարար Լևոն Ալթունյանը: Նախարարը հավելեց, որ ծրագրում կկարևորվեն ոլորտի թվայնացումը և մասնագիտական ունակությունների բարձրացումը: Նրա խոսքով՝ նախորդ ծրագրից այն կտարբերվի թափանցիկությամբ և արդյունավետությամբ:
Հարցին, ինչո՞վ թափանցիկ և արդար չէր նախորդ նախարարի ծրագիրը, Լևոն Ալթունյանը պատասխանեց. «Այնքանով, որ դուք այսօր դժգոհ եք նրանից: Կարծում եմ՝ հանրությունը այս տարիներին դժգոհ է եղել առողջապահության ոլորտից»:
Նախարարը հավաստիացրեց, որ ապրիլյան պատերազմի հետևանքով վիրավոր զինվորներին տրամադրվող անվճար բուժօգնության ծրագիրը շարունակվելու է: «Ցանկացած նոր նախարար ժառանգում է նախորդ նախարարի խոստումները», – նշեց Լևոն Ալթունյանը:
Նա նաև նշեց, որ նախարար նշանակվելուց հետո իր բիզնես բաժնետոմսերը (Ինգո Արմենիա ընկերությունում) ստիպված է լինելու հանձնել հավատարմային կառավարմանը:
Մանրամասները՝ տեսանյութում:
