Ռուսական RIA Novosti լրատվական գործակալության փոխանցմամբ՝ Թուրքիայի իշխանություններն այս տարի Սիրիայի, Իրանի ու Իրաքի հետ սահմաններին ձերբակալել են մոտ 300.000 իրավախախտի: Այդ մասին այսօր հայտնել է Թուրքիայի զինված ուժերի Գլխավոր շտաբը:
Վերջինս մանրամասնել է, որ հունվարի 1-ից մինչև հոկտեմբերի 4-ն ընկած ժամանակահատվածում այդ երկրների հետ սահմաններին գրանցվել է 33.327 միջադեպ, և ձերբակալել է 299.612 մարդ, որոնք փորձել են ապօրինաբար հատել Թուրքիայի սահմանը:
Գլխավոր շտաբը նաև հայտնել է, որ սահմանի խախտման փորձերի ժամանակ առգրավվել է 185 միավոր տարբեր տիպի զենք:
Ընդգծվում է, որ թուրք սահմանապահները մաքսանենգներից առգրավել են նաև ավելի քան 4500 բջջային հեռախոս, 20.000 լիտր վառելիք, ավելի քան 1000 գլուխ խոշոր և մանր եղջերավոր անասուն, ավելի քան 17 միլիոն տուփ ծխախոտ:
