Ճապոնիան հոկտեմբերի 1-ից սկսել է փորձարկել օտարերկրացի զբոսաշրջիկների համար կենսաչափական նույնականացմամբ անկանխիկ վճարումների ծառայությունը: Այս մասին հայտնում է newsyou.info-ն:
Ծառայությունը սկզբում հասանելի կլինի զբոսաշրջային 3 շրջանում՝ Կանտո մարզում, Տոկիոյի շուրջը, արևմուտքում Կանսայ շրջանում և Կյուսյուում՝ հարավ-արևմուտքում: Ծրագրի գործարկման նպատակներից մեկը զբոսաշրջիկների ներգրավումն է Տոկիոյում 2020 թ. Օլիմպիական խաղերից առաջ: Մինչ այդ համակարգը կաշխատի ամբողջ Ճապոնիայում:
Նախագծի շրջանակներում ճապոնական Dai Nippon Printing Co և Deloitte Tohmatsu Consulting ընկերությունները մշակել են Omotenashi հարթակը: Այս բառը թարգմանաբար նշանակում է «հյուրընկալություն»: Omotenashi համակարգում զբոսաշրջիկները կգրանցեն մատնահետքերը, վարկային քարտի տվյալները և այլ անձնական տվյալներ հետո մեկ հպումով վճարումներ անելու համար:
