BRICS երկրները (Բրազիլիա, Ռուսաստան, Հնդկաստան, Չինաստան, Հարավաֆրիկյան Հանրապետություն) Արժույթի միջազգային հիմնադրամի ղեկավարի պաշտոնի համար կարող են առաջադրել իրենց միասնական թեկնածուին: Այս մասին լրագրողներին ասել է ՌԴ ֆինանսների նախարար Ալեքսեյ Կուդրինը:
«Արդեն կան պոտենցիալ թեկնածուներ: Դրանք կքննարկվեն, հնարավոր է՝ BRICS-ի կողմից միասնական թեկնածու առաջադրվի»,- ասել է ֆինանսների նախարարը: Կուդրինը նաև մեկնաբանել է այն տեղեկությունը, համաձայն որի, ԱՊՀ-ն պատրաստվում է այդ պաշտոնում առաջադրել Ղազախստանի Կենտրոնական բանկի ղեկավար Գրիգորի Մարչենկոյին: Այս մասին հաղորդում է RBC-ն:
Հիշեցնենք, որ սեռական ոտնձգության մեջ մեղադրվող ԱՄՀ ղեկավար Դոմինիկ Ստրոս Կանը երեկ հրաժարականի դիմում է ներկայացրել:
