Մեն կղզում մեկնարկել է «Այլ օֆ Մեն » միջազգային մրցաշարը: Մրցաշարի այս տարվա մասնակիցների թվում են Ֆաբիանո Կարուանան, Հիկարու Նակամուրան, Ուեսլի Սոն, Պավել Էլյանովը, Մայքլ Ադամսը, Վան Հաոն, Ալեքսեյ Շիրովը, կանանց աշխարհի չեմպիոն Հոու Յիֆանը և շատ այլ գրոսմայստերներ:
Հայաստանը մրցաշարում ներկայացնում են Հայաստանի տղամարդկանց ազգային հավաքականի անդամներ Գաբրիել Սարգսյանը, Սերգեյ Մովսիսյանը և Հրանտ Մելքումյանը:
Գաբրիել Սարգսյանն ու Սերգեյ Մովսիսյանը իրենց առաջին երկու տուրերի հանդիպումներն ավարտել են հաղթանակով, իսկ Հրանտ Մելքումյանը տարել է մեկ հաղթանակ և մեկ պարտիա ավարտել ոչ-ոքի արդյունքով:
Այսօր տեղի կունենան մրցաշարի 3-րդ տուրի հանդիպումները:
