ԱԺ պատգամավոր, «Լուսավոր Հայաստան» կուսակցության նախագահ Էդմոն Մարուքյանը հանդես է եկել հայտարարությամբ, որով Վանաձորում անցկացված ՏԻՄ ընտրություններին որոշակի ձայներ հավաքած ընդդիմադիր կուսակցություններին՝ ԲՀԿ-ին և ՀՎԿ-ին կոչ է անում միավորվել: Էդմոն Մարուքյանը ԲՀԿ-ին, «Հայկական վերածնունդ» քաղաքական ուժերին կոչ է անում «Լուսավոր Հայաստանի» հետ ձևավորել կոալիցիա, միասին ընտրել քաղաքապետ: Այս մասին նա պաշտոնապես հայտարարեց Վանաձորում այսօր հրավիրված ասուլիսի ժամանակ:
«Այսօր հնարավորություն ունենք թույլ չտալ՝ «կարուսել» կազմակերպած, փող բաժանած անձանց Վանաձորը կառավարել»: Ըստ Է. Մարուքյանի՝ ընտրությունների արդյունքում ՀՀԿ-ն ստացել է 13 մանդատ, «Լուսավոր Հայաստանը»` 10 մանդատ, «Հայկական վերածնունդը»՝ 5 մանդատ, ԲՀԿ-ն 3 մանդատ:
«ՀՀԿ-ն ու ՀՅԴ-ն միասին ունեն 15 մանդատ, որով հնարավոր չէ ընտրել Վանաձորի քաղաքապետ»,- նշեց Է. Մարուքյանը: -«Լուսավոր Հայաստան» կուսակցությունը, «Հայկական վերածնունդ» կուսակցությունը և «Բարգավաճ Հայաստան» կուսակցությունը, երեքով միասին, ունեն 18 մանդատ, և մենք երեքով կարող ենք Վանաձորում ՀՀԿ-ին դարձնել ընդդիմադիր ուժ:
Կոալիցիայի արդյունքում կարող ենք ընտրել քաղաքապետ ու ձևավորել տեղական իշխանություն: Ձեւավորում ենք գործընկերային տեղական իշխանություն ու սկսում ենք Վանաձորի համաչափ զարգացման ռազմավարությունը, փուլ առ փուլ քաղաքը հանենք այս վիճակից»:
Մանրամասները՝ տեսանյութում:
