Այսօր Wikileaks կայքում հրապարակված ամերիկյան դիվանագիտաան նամակագրության հերթական փաստաթղթից հայտնի է դարձել, որ Ռուսաստանի Դաշնության նախագահը 2006 թ. անձամբ հրահանգել է հնարավոր ամեն ինչ անել Բուշեհրում իրանական ատոմակայնի աշխատանքը խափանելու համար: Նյութում ասվում է, որ Իսրայելի ատոմային էներգիայի կոմիտեի ղեկավար Գիդեոն Ֆրանկը Իսրայելում ԱՄՆ դեսպանին պատմել է, որ հանդիպել է ռուսական հատուկ ծառայությունների ղեկավարների հետ և շատ գոհ է մնացել:
Ֆրանկը մասնավորապես ասել է, որ հանդիպել է պաշտպանության նախարար Սերգեյ Իվանովի, արտգործնախարար Սերգեյ Լավրովի և «Ռոսատոմի» ղեկավար Սերգեյ Կիրիենկոյի հետ, որը խոստացել է ամեն կերպ ձգձգել և խոչընդոտել Բուշեհրի ատոմակայնի շահագործումը: Ֆրանկը նշել է, թե Կիրիենկոն ասել է, որ Պուտինն անձամբ է նման հանձնարարական տվել:
Բուշեհրի ատոմակայանի շինարարությունը սկսվել է 1975 թ. գերմանացիների կողմից: Ապա դրա շինարարությունը շարունակել են ռուսները, որոնք 2010 թ. պետք է վերջնական շահագործման հանձնեին այն: Իրանի կողմից միջուկային զենք ունենալու համատեքստում ատոմակայանի կառուցումը մշտապես անցանկալի է համարվել, և այս հարցը մշտապես գտնվել է Եվրամիության, ԱՄՆ-ի և Իսրայելի ուշադրության կենտրոնում: